თბილისური სახსოვარი - მონუმენტური რელიეფების ახალი სიცოცხლე
ივნისი 12- 14, 2025
2025 წლის 12-14 ივნისს გალერეა 'ნოვო'-მ უმასპინძლა გამოფენას 'თბილისური სახსოვარი - მონუმენტური რელიეფების ახალი სიცოცხლე', რომელიც განხორციელდა თბილისის არქიტექტორთა და სკულპტორთა ასოციაციის ორგანიზებითა და თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ფინანსური მხარდაჭერით.პროექტის წლევანდელი თემა მიეძღვნა თბილისის XX საუკუნის მონუმენტური რელიეფების კულტურულ მემკვიდრეობას. მონაწილე ხელოვანებმა, კონკურსის ფარგლებში, შექმნეს სუვენირების ესკიზები, რომლებიც ძველი რელიეფების თანამედროვე ინტერპრეტაციებს გვთავაზობს.
ღონისძიების გახსნაზე სპეციალური პრეზენტაციით წარსდგა უცხოელი მკვლევარი და ფოტოგრაფი სერგეი იავორსკი, რომელმაც წარმოადგინა თბილისის მონუმენტური რელიეფების ფოტოარქივი, მათ შორის იმ ნიმუშების ვიზუალური მასალა, რომლებიც ამჟამად განადგურების ან დაკარგვის საფრთხის წინაშე დგანან.
გამოფენის დასასრულს კონკურსის მონაწილეებს გადაეცათ სერტიფიკატები და ფულადი პრიზები.
