დაჯილდოების ცერემონია და გამოფენა
ოქტომბერი 21-24, 2025
2025 წლის 21 ოქტომბერს, ქართული სახვითი ხელოვნების მუზეუმში (რუსთაველის გამზ. №7) გაიმართა კულტურულ-საგანმანათლებლო პროექტის „ღანი – სიყვარული, როგორც განღმრთობის გზა“ დაჯილდოების ცერემონია.
ღონისძიება აერთიანებდა ახალგაზრდა ხელოვანების ნამუშევრებს სამ მიმართულებაში:
- ქანდაკება
- არქიტექტურა
- ფერწერა / გრაფიკა
პროექტის მიზანი იყო თანამედროვე ხელოვნებაში იმ სულიერი ღირებულებების გააქტიურება, რომლებიც წარმოადგენენ ქართული კულტურისა და ქრისტიანული ტრადიციის არსს – სიყვარული როგორც შინაგანი გარდაქმნისა და განღმრთობის გზა.
ღია კონკურსის შედეგად შერჩეულ იქნა 10-10 გამარჯვებული თითოეულ კატეგორიაში, რომელთა ნამუშევრებიც გამოფენაზე იყო წარმოდგენილი.
გამოფენის ფარგლებში კონკურსის საბოლოო შეფასება განახორციელა პროფესიულმა ჟიურიმ და გამოვლინდა I, II და III ადგილის მფლობელები თითოეულ კატეგორიაში.
გამოფენის ყველა მონაწილეს ფულადი პრიზი გადაეცა.
გამარჯვებულები კატეგორიების მიხედვით:
ფერწერა / გრაფიკა
- I ადგილი – ბარბარა ავაზაშვილი
- II ადგილი – ნინო ოყროშიძე
- III ადგილი – ლუკა კიკნაძე
არქიტექტურა
- I ადგილი – ლუკა შავაძე
- II ადგილი – ჯგუფი „ველელი“ (თეონა კესარელი, ალიოშა კაპანაძე)/li>
- III ადგილი – ჯგუფი „სკამი/s_k_ami“ (დავით ჯანგულაშვილი, გიორგი ზაქარაშვილი, რეზი ბუბუტეიშვილი)
ქანდაკება
- I ადგილი – ეკატერინე ბულაშვილი
- II ადგილი – იასონ ჯანხოთელი
- III ადგილი – ლექსო ქავთარაძე
პროექტი განხორციელდა თბილისის არქიტექტორთა და სკულპტორთა ასოციაციის ორგანიზებით.
