ივლისი 13, 2023

ღონისძიებაზე თბილისის თემატიკასთან დაკავშირებული მცირე პლასტიკის სასუვენირე ესკიზების წარდგენა მოხდება.
ნამუშევრები პროექტის 'თბილისური სახსოვარი' ფარგლებში შეიქმნა და წინასწარ გამოცხადებული კონკურსის გზით შეირჩა.
გამოფენაზე წარმოდგენილი კომპოზიციებიდან ჟიურიმ 4 გამარჯვებულ მონაწილე გამოავლინა, რომლებსაც ფულადი ჯილდო გადაეცა. სამომავლოდ სერიული წარმოებისთვის ასევე, შეირჩევა სასუვენირე ესკიზები და დედაქალაქის თემატიკაზე, მცირე პლასტიკის მაღალმხატვრული ღირებულების სუვენირები შეიქმნება.
პროექტი თბილისის არქიტექტორთა და სკულპტორთა ასოციაციის ორგანიზებითა და თბილისის მუნიციპალიტეტის მერიის ფინანსური მხარდაჭერით განხორციელდა.