ივნისი 2, 2023

2 ივნისს, „ქანდაკების ფესტივალი - 2023“-ის ფარგლებში, მერაბ ბერძენიშვილის სახლ-მუზეუმში გაიმართა საგანმანათლებლო-შემეცნებითი ტური სახელწოდებით: „მოქანდაკე - მერაბ ბერძენიშვილი“.

ღონისძიებაში მონაწილეობა მიიღეს ვოვა ვეკუას სახელობის აფხაზეთის №3 საჯარო სკოლის VII კლასის მოსწავლეებმა და თბილისის სახელმწიფო სამხატვრო აკადემიის ხელოვნებათმცოდნე სტუდენტებმა. ტურს უძღვებოდა ხელოვნებათმცოდნე თამარ ბელაშვილი. სტუმრებმა მოისმინეს მერაბ ბერძენიშვილის ბიოგრაფიის შესახებ, გაეცნენ მის შემოქმედებით მემკვიდრეობას და დაათვალიერეს ხელოვანის სკულპტურული, ფერწერული და გრაფიკული ნამუშევრები.