ქართული ხუროთმოძღვრება - ქრისტიანული მემკვიდრეობა
საგანმანათლებლო პროექტი „ქართული ხუროთმოძღვრება – ქრისტიანული მემკვიდრეობა“ წარმატებით განხორციელდა თბილისის არქიტექტორთა და სკულპტორთა ასოციაციის (თასა) მიერ, საქართველოს საპატრიარქოს საზოგადოებრივ ურთიერთობათა სამსახურის მხარდაჭერით.
0 პროექტის ძირითადი თემა იყო „ქრისტიანული ხელოვნების როლი ქართულ კულტურაში“. ის მოიცავდა ლექციებს და საგანმანათლებლო ექსკურსიებს ისტორიულ თბილისში. პროექტის მიზანი მოსწავლე-ახალგაზრდებისთვის ქართული საეკლესიო არქიტექტურის ისტორიულ- მხატვრული და სულიერი მნიშვნელობის გაცნობა იყო. მასში 12-დან 16 წლამდე ასაკის მოზარდები მონაწილეობდნენ.
მოსწავლეებმა მოისმინეს ლექციები ქართული არქიტექტურის ისტორიისა და ზოგადად ქრისტიანული ხელოვნების როლის შესახებ, რომელმაც ხელი შეუწყო ქართველი ერის კულტურული იდენტობის ფორმირებას. ამასთანავე, თბილისის ტურის დროს, პროექტის მონაწილეებს ჰქონდათ საშუალება არქიტექტურული კუთხით, აღექვათ და გაეანალიზებინათ ცნობილი ძეგლები: ანჩისხატი, მეტეხი, ქაშვეთი, ეროვნული ბიბლიოთეკის I კორპუსი და სხვა.
პროექტის მეშვეობით მოსწავლეები უკეთ გაეცვნენ საქართველოს მდიდარ კულტურულ მემკვიდრეობას და გაითავისეს ქრისტიანობის როლი ქართულ არქიტექტურაში. გაიღრმავეს ცოდნა არქიტექტურის და ხელოვნების კავშირის შესახებ. ასევე, გაიაზრეს კულტურული მონუმენტების დაცვის მნიშვნელობა, რაც ქართული კულტურის თვითმყოფადობის შენარჩუნების ერთ-ერთი ძირითადი ფაქტორია.
