ქართული ქანდაკება: ხედვა წარსულსა და მომავალზე
ივნისი 27 - ივლისი 5, 2024
თბილისის არქიტექტორთა და სკულპტორთა ასოციაციის ორგანიზებით ქალაქ ახალციხეში 2024 წლის 27 ივნისიდან 5 ივლისის ჩათვლით, გამოფენა 'ქართული ქანდაკება: ხედვა წარსულსა და მომავალზე' გაიმართა.პროექტი - 'ქართული ქანდაკება: ხედვა წარსულსა და მომავალზე' - მიზნად ისახავდა თანამედროვე ქართული ქანდაკების მოძრავი საგამოფენო ექსპოზიციის შექმნას, რომელიც პირველად ახალციხის მუნიციპალიტეტში გამოიფინა და ეტაპობრივად იქნება წარდგენილი საქართველოს სხვადასხვა რეგიონში.
ჯგუფურ ექსპოზიციაში დამთვალიერებელმა ნახა ქართული ქანდაკების სკოლის ფუძემდებლების (იაკობ ნიკოლაძე, ნიკოლოზ კანდელაკი, მერაბ ბერძენიშვილი, ელგუჯა ამაშუკელი და სხვა ცნობილი მოქანდაკეები), მოქმედი პროფესიონალი ხელოვანებისა და ახალგაზრდა შემოქმედთა სკულპტურულ ქმნილებები. წარმოდგენილი იყო ადგილობრივი მოქანდაკეების ნამუშევრები. გამოფენასთან ერთად მოეწყო თანმხლები ღონისძიებები, რომელიც ადგილობრივი სტუდენტების, სკოლის მოსწავლეებისა და სხვა დაინტერესებული პირებისთვის ქართული ქანდაკების შესახებ საგანმანათლებლო-შემეცნებითი ხასიათის შეხვედრებს მოიცავდა.
პროექტი 'ქართული ქანდაკება: ხედვა წარსულსა და მომავალზე' საქართველოს კულტურისა და სპორტის სამინისტრო ფინანსური მხარდაჭერით განხორციელდა. ღონისძიებას პარტნიორობას ახალციხის მუნიციპალიტეტის მერია უწევდა.
