გურამ რჩეულიშვილის საფლავის ქვის რეაბილიტაცია
დეკემბერი 25, 2024
2024 წლის 25 დეკემბერს, გურამ რჩეულიშვილის საფლავზე ქვა განახლდა, რომელიც ორიგინალის ზუსტი ასლით ჩანაცვლდა. სამუშაოები თბილისის არქიტექტორთა და სკულპტორთა ასოციაციამ წარმატებით განახორციელა.საფლავის ქვის ასლი ავტორის, მოქანდაკე გოგი ოჩიაურის მოწაფეებმა - ნოდარ როსტიაშვილმა, სულხან წოწკოლაურმა და თომა ღონღაძემ შეასრულეს. განახლებული ქვა ბაზალტში გაითალა, რომელიც ქართული საფლავების ტრადიციული მასალაა და გამძლეობით გამოირჩევა. სამუშაოები ორი თვის განმავლობაში მიმდინარეობდა. მოქანდაკეებმა აღადგინეს დაკარგული ორნამენტები, რომლებიც გოგი ოჩიაურის ჩანახატებსა და სტილზე დაყრდნობით შესრულდა.
გურამ რჩეულიშვილის საფლავის რეაბილიტაცია მწერალთა სახლის ინიციატივით და საქართველოს კულტურისა და სპორტის სამინისტროს ხელშეწყობით, მწერლის საიუბილეო წელთან დაკავშირებით დაიგეგმა.
