ახალი რეალობა – ვირტუალური ქანდაკებები ქალაქში
დეკემბერი 9-31, 2024
თბილისის არქიტექტორთა და სკულპტორთა ასოციაციამ, თბილისის მუნიციპალიტეტის მერიის მხარდაჭერით პროექტი: „ახალი რეალობა – ვირტუალური ქანდაკებები ქალაქში“ განახორციელა. პროექტის ფარგლებში, თბილისში შერჩეულ ლოკაციებზე განთავსდა QR კოდები, რომელთა საშუალებით ვიზიტორებმა მობილური აპლიკაციების გამოყენებით ვირტუალური ქანდაკებების დათვალიერება შესძლეს.პროექტის მიზნებს წარმოადგენდა:
• ხელოვნების საზღვრების გაფართოება ციფრული ტექნოლოგიების მეშვეობით;
• მოქანდაკეებისთვის ახალი პლატფორმის შექმნა, სადაც მათი იდეები ციფრულ სივრცეში გაცოცხლდება;
• თბილისის კულტურული სივრცის გამდიდრება და ტურიზმის ხელშეწყობა.
პროექტის ოფიციალური პრეზენტაცია 9 დეკემბერს, თბილისში, მზიურის პარკში გაიმართა (მისამართი: რამიშვილი ნინოს ქ. 37). ღონისძიებაზე ვიზიტორებმა პარკში განთავსებულ საინფორმაციო დაფებზე, QR კოდების სკანირებით, მხოლოდ AR ტექნოლოგიების საშუალებით ხილული ვირტუალური ქანდაკებები დაათვალიერეს.
პროექტი წარმოადგენს პირველ ნაბიჯს, რომელიც მიზნად ისახავდა თანამედროვე ტექნოლოგიებისა და ციფრული ქანდაკების ინტეგრირებას თბილისის კულტურულ ცხოვრებაში. ღონისძიება დამთვალიერებელს სთავაზობდა ხელოვნებისა და ტექნოლოგიების შერწყმით შექმნილ ახალ ვიზუალურ გამოცდილებას, რომელიც სამომავლოდ ქალაქის კულტურული გარემოს განუყოფელ ნაწილად შეიძლება იქცეს.
