Loading...
ა. გრიბოედოვის ქ, 21 0108, თბილისი, საქართველო
ორშაბათი - პარასკევი : 09.00 - 21.00
+995 599 588 291
არქიტექტურულ-მხატვრული კომპოზიციების გამოფენა

მარტი 15, 2021

არქიტექტურულ-მხატვრული კომპოზიციები, რომლებიც თბილისის მერიის მიერ გამოცხადებული კონკურსის ფარგლებში შეიქმნა, ელენე ახვლედიანის სახელობის ბავშვთა სურათების გალერეაში გამოიფინა.

რამდენიმე ბიუსტისა და მემორიალის ესკიზების შესაქმნელად, დედაქალაქის მერიის მიერ გამოცხადებული კონკურსი პირველ მარტს დასრულდა. საკონკურსო წინადადებების მიღება გრიგოლ რობაქიძისა და დიმიტრი ყიფიანის ბიუსტების ესკიზების, ასევე, ზვიად გამსახურდიას სახელობის მემორიალის, ჟიული შარტავასა და გურამ გაბესკირიას ბიუსტების/მემორიალის ესკიზების შექმნას გულისხმობდა.

თბილისის მერიის მიერ გამოცხადებულ საკონკურსო გამოფენის მოწყობაში ჩართული იყო „თბილისის სკულპტორთა და არქიტექტორთა ასოციაცია“. გამოფენას წინ უძღოდა ასოციაციის ხელმძღვანელობითვე გამარული შეხვედრა ხელოვანებთან, რომელიც მსჯელობის ფორმატში წარიმართა. წინა კონკურსზე წარმოდგენილ თითოეულ პროექტზე ხარვეზების გამოსწორების მიზნით, ასოციაციის წარმომადგენლების მიერ, გაცემული იყო რეკომენდაციები, რომელიც აღნიშნულ გამოფენაზე ექპონირებულ ნამუშევრებში გათვალისწინებულია.

სკულპტურული კომპოზიციების ნახვა ნებისმიერ დაინტერესებული პირისთვის 5-დან 14 მარტის ჩათვლით იყო შესაძლებელი.