Loading...
ა. გრიბოედოვის ქ, 21 0108, თბილისი, საქართველო
ორშაბათი - პარასკევი : 09.00 - 21.00
+995 599 588 291
ქართული ქანდაკების 100 წელი

ოქტომბერი 26, 2022

თბილისის არქიტექტორთა და სკულპტორთა ასოციაციის ორგანიზებით მერაბ ბერძენიშვილის კულტურის საერთაშორისო ცენტრში 'მუზა' 2022 წლის 27 ოქტომბრიდან 5 ნოემბრის ჩათვლით, თანამედროვე ქართველი ქანდაკების გამოფენა გაიმართა.

პროექტი - 'ქართული ქანდაკების 100 წელი', თბილისის სახელმწიფო სამხატვრო აკადემიის 100 წლის იუბილეს მიეძღვნა და საქართველოს კულტურის, სპორტისა და ახალგაზრდობის სამინისტროს მხარდაჭერით განხორციელდა.

ექსპოზიციაში წარმოდგენილი იყო უფროსი თაობის მოქანდაკეთა სკულპტურული ქმნილებები, იაკობ ნიკოლაძის, ნიკოლოზ კანდელაკის, მერაბ ბერძენიშვილსი, გიორგი (გოგი) ოჩიაურის, ელგუჯა ამაშუკელისა და სხვა ცნობილი ქართველი ხელოვანების ნამუშევრები, რომლებმაც ქართული პლასტიკის განვითარებაში მნიშვნელოვანი კვალი დატოვეს და გავლენა მოახდინეს დარგის შემდგომ განვითარებაზე.

პროექტის დასკვნით ნაწილში მოქანდაკეებისა და სახელოვნებო დარგების სპეციალისტების მონაწილეობით გაიმართა ღია დისკუსია, რომელიც ქართული ქანდაკების პრობლემების განხილვას დაეთმო. ღონისძიების ფარგლებში შეიქმნა გამოფენის კატალოგის ელექტრონული ვერსია, რომელიც მოიცავს როგორც სამეცნიერო, ასევე საილუსტრაციო მასალებს.