დეკემბერი 6, 2022

'ახალი მედია არტ-თბილისი' არის ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის პროგრამის „შემოქმედებითი თბილისის“ ფარგლებში დაფინანსებული პროექტი, რომელიც თბილისის არქიტექტორთა და სკულპტორთა ასოციაციამ განახორციელა.

პროექტის მიზანს ახალი მედია არტის მიმართულებით საინტერესო და ექსპერიმენტული იდეების წარმოჩენა, ინოვაციური მულტიმედიური პროექტების გამოვლენა ახალგაზრდა ხელოვანების შემოქმედებითი საქმიანობის ხელშეწყობა და ახალი ინიციატივების დანერგვა წარმოადგენდა.

ღონისძიების ფარგლებში გაიმართება იდეების შესარჩევი კონკურსი „იდიათონი“; გამარჯვებული ახალგაზრდა ხელოვანებისთვის სამუშაო შეხვედრები გაიმართა, რომელიც მედია ხელოვნების საერთაშორისო ტენდენციებსა და სტანდარტებზე მსჯელობას დაეთმო. მენტორების ჩართულობით მოხდა წარმოდგენილი იდეების საპრეზენტაციო ფორმატის კორექტირება/ დამუშავება..

2022 წლის 5 დეკემბერს მერაბ ბერძენიშვილის კულტურის საერთაშორისო ცენტრში 'მუზა' კონკურს 'ახალი მედი არტ-თბილის'-ის მონაწილეების იდეა-პროექტების წარდგენა გაიმართა. პროექტის ფარგლებში სპეციალურად მოწვეული ჟიურის მიერ გამოვლინდა სამი გამარჯვებული იდეა/პროექტი (I-'deep space'; II-'ორკესტრი'; III - 'დამოუკიდებელი ცვლადი').

წარმოდგენილი საკონკურსო განაცხადებიდან პროექტები ქალაქ თბილისის ღია საჯარო სივრცეში სამომავლო განხორციელების შესაძლებლობების გათვალისწინებით შეირჩა. პროექტის ფარგლებში 'ახალი მედია არტის' მიმართულებით მომუშავე ხელოვანების ნამუშევრების წარმოსაჩენი დამატებითი პლატფორმა გამოიკვეთა.