მაისი 25 -ივნისი 2, 2023

ბავშვთა და მოზარდთა სკულპტურული ნამუშევრების გამოფენაში 'მომავალი მოქანდაკე' მონაწილეობა საქართველოს მასშტაბით სასკოლო ასაკის მოზარდმა მიიღეს. მათ მიერ სამგანზომილებიანი სკულპტურები, რელიეფები, თუ სხვა ტიპის არტ-ობიექტები პროექტის ფარგლებში შეიქმნა და ელექტრონული კონკურსის გზით შეირჩა.

გამოფენაზე წარმოდგენილი იყო ბავშვების მიერ შესრულებული სკულპტურული კომპოზიციების მრავალფეროვანი ექსპოზიცია, რომელმაც მათი ინდივიდუალური მხატვრული ხედვა წარმოაჩენა. 89 ნამუშევრის ნახვით, დამთვალიერებლებს საშუალება მიეცა გაცნობოდა „მომავალი მოქანდაკეების“ წარმოსახვასა და შემოქმედებას, მათ მიერ გააზრებულ სხვადასხვა თემებსა და სტილებს. ღონისძიება მოზარდი ხელოვანებისთვის შთაგონების წყაროდ იქცა და ერთგვარი დღესასწაული იყო მნახველთათვისაც. მონაწილეებს სამახსოვრო დიპლომები გადაეცათ.

გამოფენის 'მომავალი მოქანდაკე' ფარგლებში დაგეგმილია საგანმანათლებლო-შემეცნებითი ლექცია მოზარდებისთვის - 'მოქანდაკე მერაბ ბერძენიშვილის შემოქმედება' და საექსკურსიო ტური მერაბ ბერძენიშვილის სახლ-მუზეუმში. ღონისძიებებში მონაწილეობას მიიღებენ, როგორც გამოფენის მონაწილეები, ისე სპეციალურად მოწვეული სასკოლო ჯგუფები. აღნიშნული აქტივობებით ახალგაზრდები გაეცნობიან გამოჩენილი ქართველი მოქანდაკის შემოქმედებას, მისი ბიოგრაფიის ძირითად დეტალებს.