ივლისი 18-21, 2023

18 ივლისს თბილისის არქიტექტორთა და სკულპტორთა ასოციაციის ორგანიზებით, ქანდაკების I სტუდენტურ სიმპოზიუმზე შექმნილი ნამუშევრების გამოფენა გაიხსნა.

სიმპოზიუმში მონაწილეობა თბილისის სახელმწიფო სამხატვრო აკადემიის ქანდაკების ფაკულტეტის ექვსმა სტუდენტმა მიიღო: შოთა ბორცვაძემ, ლაზარე ნოზაძემ, იოსებ ტატალაშვილმა, ბექა ჩხაიძემ, იასონ ჯანხოთელმა, გიორგი ჯარიაშვილმა. ისინი კონკურსის გზით შეირჩნენ და წინასწარ მომზადებული ესკიზის მიხედვით ორი კვირის განმავლობაში იმუშავეს.

• სიმპოზიუმის თემა იყო: 'სკულპტურული ფორმა თანამედროვე ურბანულ კულტურულ სივცეში'.
• სიმპოზიუმის მიზანს ინოვაციური მასალებით, დამწყები ხელოვანების შემოქმედებითი იდეების განხორციელება წარმოადგენდა.

დასრულებული ნამუშევრები მერაბ ბერძენიშვილის სახელობის საერთაშორისო კულტურულ ცენტრის „მუზას“ ეზოში გამოიფინა, სადაც დროებითი ექსპოზიცია მოეწყო.

ღონისძიებამ მნახველს ურბანულ ქანდაკებასთან დაკავშირებული იდეებისა და მხატვრულ-გამომსახველობითი ამოცანების გადაწყვეტის თანამედროვე ტენდენციების გაცნობის საშუალება მისცა. სკულპტურულმა კომპოზიციებმა, ახალგაზრდა ხელოვანების გაბედული ექსპერიმენტები წარმოაჩინა.

ქანდაკების I სტუდენტური სიმპოზიუმი საქართველოს კულტურის, სპორტისა და ახალგაზრდობის სამინისტროს მხარდაჭერით, ქანდაკების ფესტივალი-2023-ს ფარგლებში განხორციელდა.