Loading...
ა. გრიბოედოვის ქ, 21 0108, თბილისი, საქართველო
ორშაბათი - პარასკევი : 09.00 - 21.00
+995 599 588 291
ქანდაკების საერთაშორისო სტუდენტური გამოფენა

ივლისი 25, 2023

თბილისის არქიტექტორთა და სკულპტორთა ასოციაციის მიერ „ქანდაკების ფესტივალი-2023“ ფარგლებში გამოცხადებული სტუდენტ მოქანდაკეთა საერთაშორისო გამოფენის მონაწილეთა შესარჩევი კონკურსის: „ურბანული ექსპრესია - სტუდენტ მოქანდაკეთა შემოქმედებაში“ 4 გამარჯვებული გამოვლინდა.


🥇 I ადგილი:
ნურიდა ისმაილოვა - 'შეხვედრა'
ბექა ჩხაიძე - 'რკინის ხანა'

🥈 II ადგილი:
ზაურ კაჰრამანოვი - 'ყარაბაღული ცხენი'

🥉 III ადგილი:
თალიკო თოიძე - 'მეოცნებე'

საერთაშორისო გამოფენა „ურბანული ექსპრესია - სტუდენტ მოქანდაკეთა შემოქმედებაში“, რომელიც მერაბ ბერძენიშვილის სახელობის კულტურის ცენტრში „მუზა“ გაიმართება, ერთ სივრცეში მოუყრის თავს ახალგაზრდა ხელოვანთა ნამუშევრებს.

დამთვალიერებლებს ექნებათ შესაძლებლობა გაეცნონ ურბანული ქანდაკების მხატვრულ-გამომსახველობითი ამოცანების გადაწყვეტის თანამედროვე ტენდენციებს. წინასწარ გამოცხადებულ საგამოფენო კონკურსში მონაწილეობა თბილისის სახელმწიფო სამხატვრო აკადემიისა და აზერბაიჯანის სახვითი ხელოვნების სახელმწიფო აკადემიის სტუდენტი მოქანდაკეებმა მიიღეს.

საკონკურსო ნამუშევრები საერთაშორისო ჟიურის მიერ შეფასდა:

არჩილ ქურდიანი - არქიტექტურის დოქტორი, პროფესორი, არქიტექტურის საერთაშორისო აკადემიის წევრ-კორესპონდენტი, საქართველოს დამსახურებული არქიტექტორი.

ზვიად მჭედლიშვილი - მოქანდაკე, 'Creative Solution'-ის თანადამფუძნებელი, აღმასრულებელი დირექტორი, ციფრული საწარმოს 'Creative Way'-ის დამფუძნებელი.

ნატიგ კამალ ალიევი - აზერბაიჯანის სახვითი ხელოვნების სახელმწიფო აკადემიის რექტორი, აკადემიკოსი, პროფესორი, აზერბაიჯანის სახალხო მხატვარი, აზერბაიჯანის დამსახურებული მხატვარი.

სალჰაბ მამედოვი - აზერბაიჯანის სახვითი ხელოვნების სახელმწიფო აკადემიის პრორექტორი, აკადემიკოსი, პროფესორი, აზერბაიჯანის რესპუბლიკის სახალხო მხატვარი.

ოლეგ სლეპცოვი - არქიტექტურის მეცნიერებათა დოქტორი, აკადემიკოსი, პროფესორი. უკრაინის არქიტექტურული აკადემიის პრეზიდენტი, უკრაინის სახალხო არქიტექტორი, სახელმწიფო პრემიის ლაურეატი არქიტექტურაში.

ალექსანდრე მიხაილიცკი - მოქანდაკე, უკრაინის ეროვნული მხატვართა კავშირის წევრი, უკრაინის სახვითი ხელოვნებისა და არქიტექტურის ეროვნული აკადემიის უფროსი პედაგოგი.

სარჰატ პეტროსიანი - SP2-ის დამფუძნებელი დირექტორი და მთავარი არქიტექტორი. ერევნის ურბანისტული ლაბორატორიის დამაარსებელი და ხელმძღვანელი. არქიტექტურის მაგისტრი, დოქტორი სომხეთის არქიტექტურისა და მშენებლობის ეროვნული უნივერსიტეტის ურბანული დაგეგმარების მიმართულებით.

ლუკას რეკევიჩიუსი - 'AKETURI ARCHITEKTAI' ის დამფუძნებელი პარტნიორი ლიეტუვაში. ფლობს ლიეტუვის რესპუბლიკის არქიტექტორის, პროექტების მენეჯერის, კულტურული მემვიდრეობის კონსერვაციისა და ექსპერტის იურიდიულ სერთიფიკატებს. ვილნიუსის გედიმინოს ტექნიკური უნივერსიტეტი არქიტექტურის ფაკულტეტის დოქტორანტი.