Loading...
ა. გრიბოედოვის ქ, 21 0108, თბილისი, საქართველო
ორშაბათი - პარასკევი : 09.00 - 21.00
+995 599 588 291
ურბანული ექსპრესია - სტუდენტ მოქანდაკეთა შემოქმედებაში

ოქტომბერი 4, 2023

2023 წლის 4 ოქტომბერს, თბილისის არქიტექტორთა და სკულპტორთა ასოციაციის ორგანიზებით, მერაბ ბერძენიშვილის სახელობის კულტურის საერთაშორისო ცენტრში 'მუზა' გაიხსნა საერთაშორისო გამოფენა – 'ურბანული ექსპრესია – სტუდენტ მოქანდაკეთა შემოქმედებაში'.

გამოფენა 6 ოქტომბრამდე გაგრძელდა და მასში მონაწილეობა მიიღეს თბილისის სახელმწიფო სამხატვრო აკადემიისა და აზერბაიჯანის სახვითი ხელოვნების სახელმწიფო აკადემიის სტუდენტმა მოქანდაკეებმა. ექსპოზიციაში წარმოდგენილი იყო ქანდაკების ფესტივალი-2023-ის ფარგლებში შექმნილი ურბანული სივრცისთვის განკუთვნილი სკულპტურული ესკიზები, რომლებიც კონკურსის გზით საერთაშორისო ჟიურის მიერ შეირჩა. ნამუშევრებს შორის გამოვლინდა ოთხი გამარჯვებული.

გამოფენა სტუდენტებისთვის მნიშვნელოვან პლატფორმას წარმოადგენდა, სადაც მათ საშუალება ჰქონდათ წარმოეჩინათ საკუთარი იდეები და დამთვალიერებლებისთვის გაეცნოთ თანამედროვე ურბანული გარემოს მხატვრული ხედვა. ღონისძიების ფარგლებში, მონაწილეებს სამახსოვრო ჯილდოები და დიპლომები გადაეცათ.

საერთაშორისო გამოფენა 'ურბანული ექსპრესია – სტუდენტ მოქანდაკეთა შემოქმედებაში' ქანდაკების ფესტივალი-2023-ის II ეტაპის ღონისძიებაა.

ქანდაკების ფესტივალი-2023-ის ფინანსური მხარდამჭერია საქართველოს კულტურის, სპორტისა და ახალგაზრდობის სამინისტრო. ფესტივალის სპონსორია კომპანია 'სოკარი', ხოლო საინფორმაციო მხარდამჭერი – საქართველოს საზოგადოებრივი მაუწყებელი.